Гоо үзэсгэлэн дэлхийг аварна гэдэг. 2021 оны дэлхийн хамгийн үзэсгэлэнтэй алдартнуудын жагсаалтад орсон бүсгүйчүүдийн гадаад болон дотоод гоо үзэсгэлэнгийн тухай, тэдний хийж бүтээсэн зүйлс, амжилтын талаарх сонирхолтой мэдээг хүргэе.
1. Bella Hadid
Дэлхийн хамгийн үзэсгэлэнтэй бүсгүйгээр төгс нүүрний харьцаа, гоолиг биетэйгээрээ алдартай загвар өмсөгч Bella Hadid сонгогджээ. Bella бол дэлхий дахинд танигдсан мэргэжлийн загвар өмсөгч бөгөөд түүнийг бараг л бүх алдартай брэндүүдийн загварын тайз болон сурталчилгааны самбаруудаас харж болно. Инстаграм дээр 46.7 сая дагагчтай тэрээр хамгийн загварлаг алдартнуудын тоонд ордог.
2. Adriana Lima
Adriana Lima бол Victoria’s Secret-ийн хамгийн алдартай сахиусан тэнгэрүүдийн нэг юм. Мянга мянган хүний зүрх сэтгэлийг булаагч түүний дур булаам төрх, ховстогч харц, хүчирхэг алхаа нь түүнийг дэлхийн хамгийн үнэтэй загвар өмсөгчдийн нэг болгосон билээ.
3. Beyonce
Хөгжмийн ертөнцийн хатан хаан “Queen B” гэгддэг дуучин Beyonce дэлхийн хамгийн үзэсгэлэнтэй эмэгтэйчүүдийн тоонд зүй ёсоор ордог бөгөөд 2021 оны хамгийн баян, амжилттай яваа уран бүтээлчдийн нэг. Тэрээр дуучнаас гадна бизнесвумен, продюсер, филантропи зэрэг олон төрлийн ажлуудыг хийдэг чадварлаг эмэгтэй юм. Түүнчлэн уран бүтээлээрээ нийт 800 гаруй номинацад нэр дэвшин 400-аад шагналын эзэн болж байжээ.
4. Margot Robbie
Margot Robbie бол дур булаам дүр төрх, чадварлаг жүжиглэлтээрээ Холливудын дэлгэцийг эзэгнэсэн шаргал үст билээ. Тэрээр “Once Upon a Time in Hollywood”, “The Wolf of Wallstreet” зэрэг Холливудын алдартай кинонуудын гол дүрд тоглож, Оскарын шилдэг эмэгтэй жүжигчний шагналыг хүртэж байсан чадварлаг жүжигчин юм. Түүнчлэн 2017 онд Time сэтгүүлээс гаргасан “Дэлхийн хамгийн нөлөө бүхий 100 хүн”-ий жагсаалтад орж байжээ.
5. Aishwarya Rai
Энэтхэгээс гаралтай үзэсгэлэнт жүжигчин Aishwarya Rai энэ жагсаалтын 5-т оржээ. Тэрээр дэлхийн хамгийн нөлөө бүхий алдартнуудын нэг бөгөөд 1994 онд Дэлхийн Миссийн тэмцээнд тэргүүлж байсан. Одоогоор НҮБ-ийн сайн үйлсийн элч төлөөлөгчөөр ажилладаг ба өөр хэд хэдэн сайн үйлсийн аянд идэвхтэй оролцдог гэнэ.
6. Angelababy
Хятадын хамгийн алдартай эмэгтэйчүүдийн нэг болох Angelababy нь хөөрхөн царай, эгдүүтэй төрхөөрөө олонд танигдсан, жүжигчин, дуучин, загвар өмсөгч, хөрөнгө оруулагч гээд олон ажлыг зэрэг амжуулж яваа чадварлаг эмэгтэй юм. Тэрээр янз бүрийн бизнесүүдэд том хөрөнгө оруулалт хийдэг, зөвхөн урлаг гэлтгүй бизнесийн одтой нэгэн гэнэ. Мөн 2016 онд Hurun Philanthropy-гоос гаргасан жагсаалтын хамгийн залуу сайн үйлсийн зүтгэлтэн болж байжээ.
7. Ariana Grande
Гайхалтай уянгалаг хоолой, барби шиг хөөрхөн төрхөөрөө дэлхийд танигдсан дуучин Ariana Grande-г мэдэхгүй хүн байхгүй биз ээ. Өсвөр насны охидын шүтээн болсон тэрээр мууран нүдний будалт, хагас шуусан үсний засалтаараа өөрийн гэсэн дахин давтагдашгүй дүр төрхийг бүтээсэн. Тэрээр 3 American Music Awards, 1 Grammy Award, 9 MTV Music Award, 1 BRIT award шагналуудыг хүртэж байсан авьяаслаг залуу уран бүтээлч юм.
8. Gal Gadot
“Wonder Woman” киноны гол дүрээрээ дэлхийд танигдсан жүжигчин Gal Gadot хамгийн үзэсгэлэнтэй алдартнуудын нэгд зүй ёсоор тооцогддог. Тэрээр Холливудын томоохон sci-fi кинонууд болох Justice League, Batman Vs. Superman: Dawn of Justice, Wonder Woman зэрэг олон дэлгэцийн бүтээлүүдэд тоглож дүрээ мөнхөлсөн. Өдгөө дэлхийн хамгийн үнэтэй жүжигчдийн нэг болсон тэрээр хуульч мэргэжилтэй бөгөөд өмнө нь Израилийн цэрэгт 2 жил алба хаасан түүхтэй.
9. Scarlett Johansson
Scarlett Johansson-ийг Марвелын Black Widow-ийн дүрээр нь хүн бүр мэдэх байх. Үзэсгэлэнт царай, секси дүр төрх, авьяаслаг жүжиглэлтээрээ Scarlett сая сая үзэгчдийн сэтгэлийг булаасаар ирсэн. Холливудын хамгийн үнэтэй эмэгтэй жүжигчин болсон тэрээр сүүлд гарсан Jojo Rabbit , Marriage Story кинонуудаараа жүжиглэх ур чадвараа батлан харуулсан гэж хэлж болно. Түүнчлэн BAFTA, Tony awards, болон 5 Алтан бөмбөрцөг шагналын эзэн болж байжээ.
10. Mila Kunis
Үзэсгэлэнтэй том нүдээрээ Холливуын анхаарлыг татсан жүжигчин Mila Kunis нь 7 настайдаа Украинаас Америк руу гэр бүлээрээ дүрвэж ирж байсан гэнэ. Тэрээр “Forgetting Sarah Marshall”, “Friends with Benefits” зэрэг романтик инээдмийн кинонуудад тоглож олны хайр хүндэтгэлийн хүлээсэн бөгөөд “Black Swan” кинонд Холливудын алдарт жүжигчид болох Natalie portman, Vincent Cassel, Winona Ryder нартай мөр зэрэгцэн тоглож өөрийн гайхалтай жүжиглэх авьяасыг батлан харуулсан юм. Харин 2015 онд багын найз, Холливудын алдартай инээдмийн жүжигчин Ashton Kutcher-тэй гэрлэн 2 хүүхдийн аав ээж болцгоосон билээ.
