Дэлхийн хамгийн эртний кино наадам болох Венецийн кино наадмын 78 дахь удаагийн үйл ажиллагаа саяхан болж өнгөрлөө. Уг кино наадамд дэлхийн өнцөг булан бүрт хийгдсэн гайхалтай кинонууд танилцуулагддаг төдийгүй кино баг, алдартай жүжигчид ирж улаан хивсэн дээр алхан, дизайнерууд үүгээр дамжуулан нэг ёсны загварын шоугаа толилуулдаг гэж хэлж болно. Харин уг наадмын нэг онцлог буюу зөвхөн Венецэд л харж болох нэг зүйл нь алдартнуудын усан таксигаар улаан хивсний ёслолдоо ирэх явдал байлаа.
Хөвж буй хот хэмээн нэрлэгддэг Италийн Венец хот бол их онцгой газар юм. Хаа ч байхгүй өвөрмөц тогтоц бүхий уг хотын гоо үзэсгэлэн зуу зуун дамжин урлаг, утга зохиолын гол сэдэв болсоор ирсэн билээ. Кино урлагийн ертөнцөд ч мөн Talented Mr. Ripley, David Lean-ий Summertime зэрэг кинонуудад уг хотын үзэсгэлэнт дүр зураглал тодхон буусан байдаг.
Ингээд Венецийн кино наадамд оролцсон алдартнуудын шилдэг дүр төрхүүдээс хуваалцъя.
