1.Lisa Fonssagrives
Тэрээр 1911 онд Швед улсад төрсөн ба дэлхийн хамгийн анхны супермодель гэдгээрээ алдартай. Түүний гоо үзэсгэлэнт төрх Town & Country-с эхлээд Life, Time, Vanity Fair, Vogue зэрэг дэлхийн шилдэг загварын сэтгүүлүүдийг чимж байжээ.
Мөн хамгийн шилдэг зурагчид болох Man Ray, Irving Penn, Erwin Blumenfeld нартай ажиллаж байсан азтай нэгэн юм.
2. Dovima
1950-аад оны үед дэлхийн хамгийн үнэтэй модель болж байсан түүний дахин давтагдашгүй гайхалтай гэрэл зургуудыг тухайн үеийн шилдэг зурагчид болох Irving Penn, Richard Avedon нар авч байсан юм. Тухайлбал, түүний 1955 онд даруулж байсан заантай зураг нь загварын ертөнцийн домог болж үлдсэн байдаг. Уг зураг нь түүний гоо үзэсгэлэн, ихэмсэг тансаг байдлыг харуулахаас гадна, драмын жүжиглэлт шингээсэн, шуугиан тарьсан бүтээл болж чадсан юм.
3.Veruschka
Прусс гаралтай модель Veruschka нь 1960-аад оны үед загварын ертөнцөд цоо шинэ дүр төрхөөрөө гарч ирсэн юм. 190см өндөр нарийхан бие нь түүнийг илүү урлагийн гэмээр хэтрүүлэгтэй , өвөрмөц зураг авалтууд хийхэд нь тусалдаг байлаа.
4. Twiggy
Twiggy өөрийн богино үсний засалт, үзэсгэлэнтэй том нүдээрээ 1960-аад онд шинэлэг дүр төрхийг трэнд болгож чадсан юм. Тэрээр 1968 онд Jean Shrimpton, Veruschka нарын зэрэгцээ супермодель гэх нэр алдрыг хүртэж байжээ. Түүнчлэн androgynous буюу эмэгтэйлэг бус, хүйсээр хязгаарлагдаагүй дүр төрхийг бүтээсэн анхны моделиудын нэг юм. Түүний мөчир шиг нарийхан хөлөөс нь болж Twiggy хэмээн нэрлэх болсон гэдэг.
5. Grace Jones
Ямайкагаас гаралтай моделийн өвөрмөц, эрэгтэйлэг дүр төрх нь 1970-аад оны бусад моделиудаас түүнийг ялгаруулж байлаа. Түүний гайхалтай онцгой төрх Парист илүү эрэлттэй байсан учир тэрээр Парис руу нүүж Yves Saint Laurent, Kenzo, Alaia зэрэг алдартай брэндүүдтэй ажиллаж эхэлжээ. Түүнчлэн Grace нь домогт зурагчин Jean Paul Goude-ын урлагийн онгод, охин тэнгэр нь байсан гэдэг.
6. Iman
Тэр бол Yves Saint Laurent брэндийн мөрөөдлийн охин, Halston болон Gianni Versace, Donna Karan нарын урлагийн охин тэнгэр болсон гайхалтай модель юм. Түүний урт хүзүү, үзэсгэлэнт бор арьс, өвөрмөц дүр төрх нь 1970-аад оны үед шинэ гоо зүйн стандарт болж түүнийг загварын ертөнцөд маш хурдан алдартай болгосон билээ.
7. Elle Macpherson ба Cindy Crawford
Elle Macpherson нь “The Body,” буюу “бие” гэдэг хочтой байсан ба тэрээр гуалиг, секси бие галбираараа танигдсан модель юм. Тэрээр Sport’s Illustrated сэтгүүлийн нүүрэнд нийт 5 удаа гарч рекорд тогтоож байсан. Түүнчлэн үзэсгэлэнт Cindy Crawford-ын эмэгтэйлэг, гуалиг бие галбир, хөөрхөн царай төрх, гайхалтай зохисон уруул дээрх мэнгэ нь түүнийг алдарт хүргэсэн билээ. Үүнээс гадна Cindy Crawford-ыг их ухаалаг эмэгтэй гэж шагширдаг байна.
8. Kate Moss
1990-ээд онд эмэгтэйлэг секси бие галбир, хөөрхөн царай загварын ертөнцөд трэнд болж байсан бол Kate Moss эсрэгээрээ эв хавгүй гэмээр туранхай бие галбир, хавтгай цээж, хэтэрхий энгийн гэмээр царай төрхтэй ч гайхалтай модель, дэлхийн од болж чадсан юм. Загвар зохион бүтээгчид, артистууд түүний өвөрмөц бохимеан стилиэс сэдэл авч шинэ коллекцио бүтээх нь бий. Түүнчлэн загвар зохион бүтээгч Alexander McQueen-с эхлээд артист Chuck Close хүртэл түүнийг өөрсдийн урлагийн охин тэнгэр хэмээн нэрлэсэн байдаг.
9. Naomi Campbell, Linda Evangelista, Christy Turlington ба Claudia Schiffer
Naomi Campbell ба түүний нөхдийг тэдний Дива оддын зан араншин, гайхалтай загварын алхаа, хүчирхэг нөхөрлөл нь загварын ертөнцөд домог болгон үлдээсэн билээ.
Загварын ертөнцөд Naomi Campbell маш олон зүйл дээр анхдагч болж чадсан. Тухайлбал, тэрээр 1987 онд British Vogue сэтгүүлийн нүүрэн дээр гарсан ба энэ нь 1966 оноос хойших өнгөт арьстан модель ковер болсон анхны тохиолдол байсан юм.
Эдгээр охид нь бүгд 1990-ээд оны хамгийн алдартай супермоделиуд бөгөөд загварын ертөнцөд супермоделийн эрин үеийг бий болгож чадсан бүсгүйчүүд юм. Тэд зураг авалтад орохдоо өдөрт 10,000$-с бага цалин санал болговол орноосоо ч босдоггүй байсан гэдэг.
