2022 оны хавар зуны онцлох 6 тренд

Загвар
06
1сар
22

Шинэ он гараад хэдхэн хонож байгаа ч загварын мэргэжилтнүүд аль хэдийн 2022 онд ямар загварууд тренд болж, хамгийн эрэлттэй байхыг тодорхойлчихсон байдаг. Тэгвэл 2022 оны хавар зуны шинэ коллекциудад хамгийн түгээмэл ажиглагдсан, онцлох трендүүдээс хуваалцъя.

1. Сул өмд

Скинни өмд эргэж ирэх болоогүй шүү. Өнгөрсөн жилийн газар шүргэсэн урттай, өргөн загвартай өмдний тренд 2022 онд мөн үргэлжлэх нь. Өргөн тусмаа илүү загварлаг харагдана гэнэ шүү. Дээгүүр нь бариу богино топ өмсөж орчин үеийн дэгжин дүр төрхийг бүрдүүлээрэй.

2. Улбар шар өнгө

Тод өнгөнд дуртай юу? Тэгвэл энэ жилийн тренд өнгүүдийн нэг бол тод улбар шар өнгө юм. Хүсвэл толгойноосоо хөл хүртэл улбар шар өнгөөр хослуулсан ч болно. Хэрвээ тод өнгийн хувцас өмсдөггүй бол улбар шар өнгийн аксессуар сонгож стильдээ шинэчлэлт хийгээрэй.

3. Макси юбка

Бүсгүйчүүдийн дуртай загваруудын нэг бол яах аргагүй урт бариу юбка байдаг. Маш эмэгтэйлэг бөгөөд элегант харагдуулах уг загвар 2022 оны хавар зуны тренд болж байна.

4. Бараг л нүцгэн

1990-ээд онд хүчийг авч байсан NAKED буюу нүцгэн тренд сүүлийн жилүүдэд эргэн ирсэн билээ. Гэрэлтдэг материал, биеийн хэсгүүд ил гарсан ухлаадастай загварууд гэх мэт бараг л нүцгэн мэт харагдуулах уг секси загварууд энэ зун бас ноёрхох нь.

5. Преппи стиль

Энэ жилийн бас нэгэн онцлох тренд бол Преппи буюу сургуулийн дүрэмт хувцаслалтаас санаа авсан дэгжин стиль юм. Ялангуяа Miu Miu брэндийн 2022 оны хавар зуны шинэ коллекци тэр чигтээ уг трендийг онцолсон нь анхаарал татаж байсан.

6. Мини юбка

1960-аад оны голлох тренд болох мини юбка нь өмнөх жилээс ахин моданд орж эхэлсэн. Италийн алдарт Prada брэндийн шинэ коллекцийн гол түлхүүр загвар нь маш богино загвартай юбканууд байсан юм шүү.