1. Өнгө өнгийн аксессуар
Энэ жилийн хувьд минимал загваруудаас илүүтэйгээр өнгө өнгийн үнэт чулуутай нүд булаам өнгөлөг аксессуарууд тренд болох нь. Гүн ногоон өнгийн маргад чулуу, улаан хүрэн Рубеллит, тансаг хөх өнгийн Индранил зэргээс өөрийн ээлтэй чулууг арьсныхаа өнгөтэй тохируулан сонгож болох юм.
2. Орчин үеийн гинж
Сүүлийн үед алтлаг өнгийн гинжин зүүлтүүд тренд болоод байгаа билээ. Ялангуяа энэ жилийн хувьд сонгодог загварын гинжин зүүлт дээр алмааз болон бусад үнэт чулууг шигтгэсэн илүү тансаг загварууд чиг хандлагыг тодорхойлж байна. Энгийн сонгодог загвартай гэхээс илүү өнгөлөг чулуун оруулгатай эсвэл өвөрмөц хэлбэр дүрс холилдсон гинжтэй загварууд энэ жил зонхилох нь. Минимал цагаан фудболк дээр ч, дэгжин хүрэмтэй ч гайхалтай зохицож илүү загварлаг дүр төрхийг бүрдүүлэх болно.
3. Оосор нь солигддог цаг
Энэ жилийн хувьд оосор нь солигддог өнгөлөг бугуйн цагууд тренд болж байна. “Hermes”-ээс эхлээд тансаг зэрэглэлийн брэндүүд ч мөн сонгодог загварын цагууддаа тод ягаан, электрик цэнхэр, шаргал, улбар шар зэрэг өнгө өнгийн оосор гаргах болсон. Түүнчлэн орчин үеийн хэрэглэгчдийн хамгийн түгээмэл сонголт болсон Apple Watch хүртэл улирал болгон шинэ өнгөнүүдээ танилцуулсаар байгаа билээ.
4. Максимализм
Олон зүүлт давхарлаж зүүх, бугуйн цагтайгаа бугуйвч хослуулах, чихний гоёлууд зүүх гэх мэт аксессуаруудаа давхарлах тренд үргэлжилсээр байна. 2022 онд олон төрлийн металлууд болон өнгөнүүд холилдсон загварууд моданд орох бөгөөд өөрийн стиль сонирхолд нийцүүлэн хүссэнээрээ хослуулж болно.
