Дэлхийн томоохон брэндүүдийн хамгийн бүтээлч, өвөрмөц, бусдаас онцгой загваруудаа танилцуулдаг 2022 оны Парисын кутюр загварын 7 хоног болон байгальд ээлтэй гэгддэг Копенхагены загварын 7 хоног тус тус болж өнгөрлөө. Хэдий цар тахал үргэлжилж байгаа ч загварын нөлөө бүхий эрхмүүд энэ удаад загварын шоунуудаа виртуалаар бус бодитоор хийхээр шийджээ.
Загварын шоунуудад хүрэлцэн ирсэн зочид ч мөн гайхалтай өнгөлөг, нүд тусахуйц хувцасласан бөгөөд тэднийг нэгтгэсэн түгээмэл загвар бол мини цүнх байв. Юу ч багтахааргүй жижиг хэмжээтэй хирнээ загварлаг харагдах уг бяцхан цүнх нь энэ хаврын чухал нэгэн тренд болох нь. Алдарт дуучин Фаррелл Уильямс, жүжигчин Мэделин Петш нар болон бусад загварынхан өөр өөрсдийн өнгө төрх, стильдээ зохицуулан гоёсон байлаа.