Сүүлийн үед гутал, цүнх зэрэг аксессуаруудын борлуулалт эрс өсч байгааг судалгаагаар тогтоожээ. Цар тахлын үеэр хэрэглэгчдийн тансаг зэрэглэлийн, үнэ цэнэтэй брэндийн цүнх авах сонирхол нэмэгдсэн төдийгүй уг брэндүүдийн борлуулалт ч мэдэгдэхүйц сайжирсан байна. Түүнчлэн “second-hand” буюу урьд нь хэрэглэж байсан аксессуар худалдан авах нь тренд болсон бөгөөд Vogue сэтгүүлийн судалгаагаар 28 тэрбум долларын “second-hand”-ын зах зээл 2024 гэхэд 2 дахин нэмэгдэж 64 тэрбум доллар болох төлөвтэй байна.
2022 оны хувьд олон жилийн өв уламжлал, түүхтэй Chanel, Prada, Fendi зэрэг брэндүүдийн үндсэн “signature” загварууд тренд болсоор байгаа бөгөөд үүнээс гадна хэний ч санаанд багтамгүй сонирхолтой аксессуарууд энэ хаврын чиг хандлагыг тодорхойлж байна.
1. Байгальд ээлтэй загварууд
Stella McCartney брэнд олон жилийн турш орчин үеийн байгальд ээлтэй загвар урлахыг гол зорилгоо болгосоор ирсэн. Тэгвэл уг брэндийн мөөгнөөс гаргаж авсан байгалийн гаралтай Mylo арьсан цүнх нь энэ улирлын тренд болоод байна. Түүнчлэн Gabriela Hearst брэнд “hevea” модны сүүгээр резинэн гутал урласан бол Loewe болон Maison Margiela брэндүүд байгальд задарч хөрсөнд амархан шингэдэг гутал үйлдвэрлэжээ.
Stella McCartney
Gabriela Hearst
Loewe
Maison Margiela
2. Уутан цүнх
Эмэгтэйчүүд бид хэрэгтэй бүх зүйлсээ цүнхэндээ багтаан авч явах дуртай улс. Нөүтбүүк, усны сав, кошлок, чихэвч, түрийвч, үнэртэй ус, уруул өнгөлөгч гэх мэт олон зүйлсийг багтаах том хэмжээтэй цүнх бүсгүйчүүдийн шүүгээнд зайлшгүй байх хэрэгтэй. Энэ оны хувьд илүү зөөлөн материалтай, уут шиг Tote загварын цүнхнүүд тренд болж байна.
Chanel
Lemaire
Miu Miu
Isabel Marant Victor VIRGILE
Jil Sander
Tom Ford
Salvatore Ferragamo
Lacoste Peter White
3. Толгойн гоёл
Мэргэжилтнүүд энэ жил 1920-оод оны загварууд эргэн ирнэ хэмээн таамаглаж байсан. Тэгвэл тэдний таамагласан шиг Флаппер стиль эргэн ирээгүй ч тухайн үеийг санагдуулам гялтгар толгойн гоёлууд Paco Rabanne, Louis Vuitton, Maison Margiela зэрэг томоохон брэндүүдийг загварын тайзыг чимсэн юм.
Paco Rabanne
Louis Vuitton
Maison Margiela
4. Өндөрлөгч платформ
Платформ ултай гутал моданаас гарах болоогүй шүү. Өндөр байх тусмаа загварлагт тооцогддог платфорт зузаан ултай гутлыг Marni, Philosophy di Lorenzo Serafini, Dries Van Noten, Acne Studios зэрэг алдартай брэндүүдийн загварын шоунаас харж болно. Түүнчлэн уг загварын гутал нь Италийн Versace брэндийн гол түлхүүр загвар билээ.
Marni
Versace
Philosophy di Lorenzo Serafini
Coperni
Lanvin
Moschino
Anna Sui
Dsquared
5. Бугуйвчин цүнх
Хэрвээ том цүнх барьдаггүй бол бугуйвч шиг загвартай жижиг гар цүнхийг сонирхоод үзээрэй. Энэ загвар 2010 онд гарч ирж байсан бөгөөд саяхнаас загварын ертөнцөд эргэн ирээд байгаа юм.
Y/Project
Loewe
Fendi Victor VIRGILE
6. Ялаа шил
Ялааны нүд шиг хэлбэртэй өвөрмөц нарны шил энэ хаврын бас нэгэн тренд болж байна. Хацрын ясыг тодотгох уг загварын нарны шил нь 1960-аад оноос гаралтай.
Acne Studios Victor VIRGILE
Prada
Balenciaga
7. Гладиатор сандалууд
Гладиатор загвартай, урт уяатай сандалууд Chloé, Christian Dior, Valentino зэрэг тансаг зэрэглэлийн брэндүүдийн 2022 оны хавар зуны шинэ цуглуулгуудад зонхилж байна. Мини даашинз, урт макси юбка, богино шорт гээд л бүхий л хувцастай зохицох уг загварыг та энэ зун сонгоорой.
Chloé
Valentino
Altuzarra
Ludovic de Saint Sernin x Piferi
Christian Dior Photo: Alessandro Lucioni
Paco Rabanne
8. Санаанд оромгүй загварууд
Бяслаг шиг малгай, өндөгтэй өндөр өсгийт, интоор цүнх зэрэг хэний ч санаанд багтамгүй сонирхолтой аксессуарууд энэ жилийн тренд болж байна. Яагаад үргэлж нэгэн хэвийн байх ёстой гэж? Та ч гэсэн энэ хачин загваруудаас сонгож хувцасны шүүгээгээ илүү сонирхолтой болгоорой.
Givenchy
Loewe
Lanvin
Thom Browne Victor VIRGILE
Puppets & Puppets
Undercover
