75-дахь удаагийн BAFTA буюу “British Academy Film Awards” Английн томоохон кино наадам саяхан болж өнгөрлөө. Уг кино наадам нь өнгөрсөн онд шинээр гарсан кинонуудаас шилдгийг шалгаруулдаг төдийгүй жижиг бие даасан кинонуудыг мөн сонгож оруулдгаараа илүү онцлогтой. Наадмыг Австралийн жүжигчин, хошин шогч Ребел Вилсон хөтөлж, хөгжилтэй яриагаараа зочдыг баясгаж байсан.
Шагналуудаас дурдвал, “The Power of the Dog” шилдэг киноны шагналыг авсан бол шилдэг найруулагчаар уг киноны найруулагч Жейн Кэмпион тодорчээ. Харин шилдэг Англи киногоор “Belfast” сонгогдсон бол шилдэг хүүхэлдэйн киногоор “Encanto” шалгарсан. Мөн шилдэг эмэгтэй жүжигчнээр “After Love” киноны Жоэнна Скэнлэн, шилдэг эрэгтэй жүжигчнээр King Richard киноныхоо дүрээр Вилл Смит шагналыг тус тус авсан байна.
Тус наадамд Lady Gaga, Salma Hayek, Naomi Campbell, Daisy Ridley зэрэг олон алдартнууд хүрэлцэн ирсэн бөгөөд зочдын гайхалтай хувцаслалтуудаас хүргэе.
