Өмнөд Солонгос улсын хамгийн алдартай одуудын нэг болох Big Bang хамтлагийн ахлагч, реппер G-DRAGON Vogue Korea загварын сэтгүүлийн 7 сарын ковероор сонгогджээ.
Хөгжмийн нарийн мэдрэмж, гоц авьяас, бусдыг татагч харизмаараа алдаршсан түүнийг оддын од ч хэмээн нэрлэх нь бий. Дэлхийн алдартай CHANEL брэндийн нүүр царай болсон анхны Ази оддын нэг бөгөөд өөрийн гэсэн өвөрмөц хэв маяг, ахин давтагдашгүй стилийг бүрдүүлж чаддаг нэгэн. Тийм ч учраас зөвхөн хөгжмөөр зогсохгүй загвар стилиэрээ бусдыг байлдан дагуулагч, жинхэнэ загварын трендсеттер гэдгээрээ олон улсад танигдсан билээ.
Коверын зураг авалтыг Францын Парис хотод хийсэн бөгөөд CHANEL брэндийн хувцас гоёлуудаар дүр төрхийг нь бүрдүүлсэн байна. 2013 оноос хойш G-Dragon нь олон ч удаа Vogue Korea сэтгүүлийн ковероор ажилласан бөгөөд тэдгээр нь сэтгүүлийн түүхэн дэх хамгийн борлуулалт өндөртэй дугаарууд болж байжээ.
