Vogue
“Vogue” сэтгүүл нь маргаангүй дэлхийн хамгийн алдартай загварын сэтгүүл бөгөөд 1892 онд долоо хоног тутмын сонин хэлбэрээр хэвлэгдэж аажмаар загварын сэтгүүл болон хувирчээ, 11 сая гаруй захиалагч нартай, нийт 23 улсыг хамарсан тус компани нь загварын ертөнц болон түүний чиг хандлагыг удирдан чиглүүлсээр байна.
Elle
“Elle” сэтгүүл нь Франц хэлнээ “тэр” эсвэл “түүний” хэмээх утгатай үг бөгөөд 1945 онд хамгийн анх АНУ-д гараагаа эхлүүлсэн тус загварын сэтгүүлийн маркетингийн кампанит ажлууд олны анхаарлыг ихээхэн татаж өдгөө 44 оронд хэвлэгдэж амжилттай үйл ажиллагаагаа явуулж буй.
Harper’s Bazaar
“Harper’s Bazaar” сэтгүүл нь дундаж давхаргад чиглэсэн АНУ-ын хамгийн анхны загварын сэтгүүл бөгөөд 1862 оноос эхлэн үйл ажиллагаа эхлүүлжээ. Орчин үеийн загварын чиг хандлага, шоунаас авхуулаад энгийн болон тансаг зэрэглэлийн загварын ертөнц дэх сэтгэл хөдөлгөм шинэчлэлтүүд цаг тухайд нь сэтгүүл, блог болон бусад төрлийн дижитал платформуудаар дамжуулан хүргэдэг юм. Нью-Йорк хотод төвтэй тус сэтгүүл нь өдгөө дэлхийн 32 оронд хэвлэгдэж буй.
Cosmopolitan
“Cosmopolitan” сэтгүүл нь 1886 онд хамгийн анх гэр бүлийн сэтгүүл хэлбэрээр үйл ажиллаагаа явуулж байсан бөгөөд улмаар 1960-аад оноос эхлэн аажмаар амьдралын хэв маяг дээр тулгуурласан сэтгүүл болон хувирчээ. Хелен Гурлигийн удирдлага доор уг сэтгүүл нь загвар, секс, феминизм болон тухайн үед хориотой гэж үздэг байсан сэдвийн доор нийтлэлүүд хүргэх болсноор томоохон шинэчлэлтийг авчирчээ.
BoF – Business Of Fashion
“Business of Fashion” сэтгүүлийг 2007 онд Имран Амед үүсгэж байгуулжээ. Уг сэтгүүл нь богино хугацаанд редактор, стилист, загварын ертөнцөд дурлагчдын анхаарлыг татаж асар их захиалгыг олж авч чадсанаараа хамгийн онцлог.
Хэрэв та загварын ертөнцийн чиг хандлага, хэв маягийн талаар болон хэрхэн цаашид эдийн засагт нөлөөлөх тал дээр сонирхолтой нэгэн бол энэхүү сэтгүүлээс та бүхий л хэрэгтэй мэдээллийг авах боломжтой.
