Гранж стилийн үсний засалтуудыг амжилттайгаар өөртөө тохируулж чаддаг хүн Кристен Стюартаас өөр байхгүй. Бидний мэдэхээр Белла маань жижиг үсний засалтуудад тун дуртай. Цайралт, уусгалттай будалт, хурц тод өнгө гээд туршиж үзээгүй зүйл түүнд үгүй бөгөөд үргэлж донжийг нь олчихдог шүү.
2023 оны Chanel-н загварын шоун дээр тэр үүнийгээ дахин баталлаа. Панк стилийн mullet загварын үсний засалтыг туршиж үзсэн нь түүнд тун догь харагдаж байсан ба загварын шүүмжлэгчид Кристен Стюартыг Диана гүнжийн гранж стилийн хувилбар шиг харагдаж байна хэмээн дүгнэлт өгөөд амжжээ.
Дэлхийн алдартай үсчид тайлбарлахдаа: “Хүний нүүрний хэлбэрт тохирсон үс засалт чухал биш бөгөөд, эсрэгээрээ тэрхүү үсний засалтыг хэрхэн арчилж, яаж харагдах талаас нь анхаарах хэрэгтэй.” гэсэн зөвлөгөөг өгч байна.
