Энэхүү брэндийн нэрийн сүлжмэл цүнхнүүдийг бид хэдийнээ мэдэх билээ. Тэгвэл саяхан болсон 2022 оны Намар/Өвлийн загварын шоун дээр Bottega Veneta брэндийн бүтээлч захирал Матье Блэзи хөвсгөр clutch, хувин хэлбэрийн цүнх, аварга том мөрний цүнх гэх мэт олон сонирхолтой загварын цүнхнүүдийг танилцуулсан.

Харин олны танил хүмүүсийн анхаалыг хамгийн ихээр татан аль хэдийнээ тэдний хувцасны өрөөнд бий болсон загвар бол сардин загасны хэлбэрийн металл бариултай цүнх байлаа. Тус цүнх нь 3 төрлийн өнгөөр худалдаанд гарсан: “Bitter Chocolate”, “Barolo”, “Chalk”. Харин хар, бор-саарал болон нимбэгэн шар өнгийг дараа жилийн коллекциор гаргах төлөвтэй байгаа аж.

Роузи Хантингтон-Уайтли сонголт шохойн өнгөтэй Сардин цүнх байв. Тэрээр ижил өнгийн гуталтай хослуулан зөөлөн бор өнгийн даашинз өмссөн нь түүний үсний өнгөтэй гайхалтай зохицсон харагдлаа.

Кендалл Женнер АНУ-н нээлттэй аваргын тэмцээн дээр бараан шоколадны өнгөтэй Сардин цүнхийг эмэгтэйлэг бариу цагаан даашинз, бүсэлхийгээрээ ороосон хөх ноосон цамц, Ralph Lauren брэндийн хөх саравчтай малгайтай хослуулсан байв. “Энэхүү look нь түүнийг өөртөө итгэлтэй, хүчирхэг бөгөөд тун эмэгтэйлэг харагдуулж байна” хэмээн шүтэн бишрэгчид нь сэтгэгдэл үлдээгээд амжжээ.