Хөх өнгө
Өнгөрсөн жил Valentino ягаан өнгөөр загварын ертөнц амьсгалж байсан бол энэ жил COBALT BLUE буюу хөх өнгөний эрин үе эхэллээ. Энэ хавар нэгэн хэвийн хар, цагаан өнгөнүүдээс татгалзаж өөртөө итгэлтэй, зоримог харагдуулах тод хөх өнгийг сонгон шүүгээгээ шинэчлээрэй.
Зуны хар өнгө
Энэ зуны шинэ тренд классик хар өнгө. Энэ зун хар нэхмэл даашинз, торон майк, нимгэн гэрэлтдэг загварууд гээд л хар өнгийг илүү зөөллөж эмэгтэйлэг болгосон загваруудаас сонгоод үзээрэй.
Хөөсөн чихэр шиг ягаан
Хэрвээ та “Legally Blonde” киноны Elle Woods шиг ягаан өнгөнд хайртай нэгэн бол энэ зуны тренд хөөсөн чихэр шиг ягаан өнгөөр хувцаслаж болох юм. Маш зөөлөн завсрын өнгө учир хөлөөсөө толгой хүртэл ижилсүүлсэн ч хэтрүүлсэн харагдахгүй.
Жаргаж буй нар
2023 оны хавар зуны шоунуудад хамгийн түгээмэл ажиглагдсан нэгэн тренд бол нар жаргаж буйг санагдуулам омбре өнгө байв. Цагаанаас шаргал, улбар шар, улаан гэх мэт уусалттай загварууд тайзан дээр үнэхээр шинэлэг бөгөөд романтик харагдаж байлаа.
Пастель хослол
Хэрвээ та хослол өмсөх дуртай ажил хэрэгч нэгэн бол энэ хавар завсрын цайвар өнгийн хослолуудаас сонгоорой. Энэ жил пастель цэнхэр, ногоон, саарал, ягаан гэх мэт цайвар зөөлөн өнгөнүүд, болон сул загвартай хослолууд тренд болж байна.
