Италийн алдарт тансаг зэрэглэлийн Gucci брэнд нь 2024 cruise коллекцио анх удаа Өмнөд Солонгосын нийслэл Сөүл хотод танилцуулж, загварын шоугаа амжилттай хийлээ.
Gucci брэнд нь 25 жилийн өмнө Сөүлд анхны дэлгүүрээ нээж байсан бол ийнхүү Солонгос дахь анхны загварын шоугаа түүхийн дурсгалт газар болох “Кёнбоккун” хааны ордонд хийжээ.
Киноны гол дүрд үзэсгэлэнтэй, шаргал үст, Австрали гаралтай жүжигчин Марго Робби тоглож байгаа бол найз залуу Кенийн дүрд “The Notebook” киногоороо алдаршсан жүжигчин Райан Гослинг тоглож байгаа юм.
Барби кино нь “LuckyChap” энтертейнментийн бүтээл бөгөөд энэ нь жүжигчин Марго Роббигийн нөхөртэйгөө хамт үүсгэн байгуулсан энтертейнмент компани юм. Гэхдээ тэр хэзээ ч өөрийгөө Барбигийн дүрд тоглоно гэж төсөөлөөгүй гэжээ. (Түүнийг Кенд тоглоход хэтэрхий хөгшиднө гэсэн шуум ч гараад амжсан)
Барби киноны талаарх яриа 2015 оноос гарч эхэлсэн бөгөөд алдартай хүүхэлдэйний дүрд эхлээд жүжигчин, комедиан Эми Шумер, дараа нь Энн Хэтэуэй нар тоглохоор яригдаж байсан. Гэсэн ч 2018 онд Барбины дүрд жүжигчин Марго Робби тоглох нь тодорхой болжээ.
Марго хэлэхдээ “Энэ киноны гол дүрийг авч, мөн продюсероор ажиллаж байгаа нь миний хувьд их нэр хүндтэй хэрэг юм. Энэ киног дэлхий даяарх үзэгчдэдээ, ялангуяа хүүхдүүдэд эерэг нөлөөллийг үзүүлнэ гэж найдаж байна” гэжээ. Мөн тэрээр ахиад л нэг эрэгтэй гол дүрийн эхнэр эсвэл найз охины дүрийг бүтээхийг хүсээгүй талаараа хэлсэн байна.
Авьяаслаг жүжигчин, найруулагч Грета Гервиг уг киног найруулж Ноа Баумбакын хамт киноны зохиолыг нь бичжээ. Түүний найруулсан “Little Women”, “Lady bird” зэрэг кино нь олны таашаалыг хүртсэн билээ.
Барби киноны хувцсыг загвар зохион бүтээгч Жаклин Дюрран урласан байна. Тэрээр түүхэн киноны хувцсаар дагнадаг дизайнер бөгөөд “Little Women” киноны хувцсаар Оскарын шагнал хүртэж байжээ.
Түүнчлэн алдартай поп од, дуучин Dua Lipa уг кинонд лусын гүнж Барбины дүрийг бүтээсэн бөгөөд “Dance the Night” хэмээх киноны дууг дуулжээ.
Тус кинонд ганцхан Барби гардаггүй бөгөөд Барбины ертөнц нь олон төрлийн Барби, Кенүүдтэйгээрээ онцлог. Бусад дүрүүдэд Марготой адилхан гэгддэг Sex Education цувралаараа танигдсан жүжигчин Emma Mackey, Kate McKinnon, America Ferrera, Simu Liu, Will Ferrell, Hari Nef, Issa Rae, Michael Cera зэрэг олон алдартай жүжигчид тоглосон байна.
Санал болгох бүтээгдэхүүн
