Арьсны өнгөтэйгөө тохирох төгс FOUNDATION-г хэрхэн сонгох вэ?
Өөрт тохирох FOUNDATION-г эндээс сонгоорой!
Алхам 1: Өөрийн арьсны өнгийг мэдэх
Арьсныхаа өнгийг мэдсэнээр өөрт тохирох FOUNDATION-г олоход дөхөм болно. Мөн гэрэл сүүдрээ зөв тавих нь арьсны өнгөтэй шууд холбоотой. Бүсгүйчүүд цагаан, зөөлөн, дунд болон гүн гээд төрөл бүрийн арьсны өнгөтэй байдаг. Хэрвээ арьсны өнгө тань нэгэн жигд бус байвал нүүрний доод хэсэгт гэрэл сүүдэр тавилгүйгээр зөвхөн хацар хэсгээ тодруулахад болно.
Алхам 2: Арьсны төрөлх өнгөө тодорхойлох
FOUNDATION-ы суурь өнгө таны төрөлх арьсны өнгөтэй тохирох ёстой. Зөөлөн эсвэл гүн бор царайны өнгөтэйгөөс хамааран дулаан, хүйтэн, завсрын өнгө тохирох уу гэдгээ олох нь зөв. Арьсны өнгө улирал бүр хувьсан өөрчлөгддөг тул ямар ч үед өөрт тохирох суурь өнгөө тодорхойлох хэрэгтэй.
Төрөлх өнгөө хэрхэн мэдэх вэ?
1. Судасныхаа өнгийг харах
Суурь өнгөө тодорхойлох хамгийн энгийн арга бол байгалийн гэрэлд гарын бугуйн дээрх судлуудыг ажиглах юм. Хэрэв таны судас ногоон өнгөтэй харагдаж байвал танд дулаан өнгө тохирно гэсэн үг.
Цэнхэр/нил ягаан өнгөтэй бол хүйтэн өнгө тохирно.
Цэнхэр/ногоон өнгөтэй бол зөөлөн тонтой өнгө тохирно.
2. Наранд биеэ борлуулсан эсвэл тан хийлгэсэн бол…
Биеэ борлуулахаас өмнө нарнаас хамгаалах тос заавал түрхэх хэрэгтэй. Учир нь нарны UV туяа нь арьсны суурь өнгийг өөрчлөх хамгийн том шалтгаан болдог. Хэрвээ арьс чинь наранд амархан борлодог бол хүйтэн өнгө тохирно гэсэн үг. Ямар ч тан хийлгэхгүйгээр арьсаа борлуулдаг бол зөөлөн өнгө тохирно.
3. Алтлаг эсвэл мөнгөлөг үү?
Акссесуарын хувьд ямар ч дүрэм журам байхгүй. Мөнгөлөг акссесуар ямар ч төрлийн арьсны өнгөнд тааламжтай харагддаг. Арьсны өнгөндөө тохирох өнгийн акссесуараа олох гээд үзээрэй! Хүйтэн өнгө тохирдог хүмүүс мөнгөн эдлэл яг таарна. Харин дулаан тонтой хүмүүст алтлаг эдлэл тохирдог. Хэрвээ танд хоёулаа гоё харагддаг бол та зөөлөн/завсрын өнгөтэй гэсэн үг.
Хэрвээ хүйтэн өнгөтэй бол…
Хөх, ягаан, улаан өнгө энэ төрлийн арьсыг гэрэлтүүлж өгдөг. Байгалийн гэрэлд бугуйн судлаа харвал цэнхэрдүү өнгөтэй байх нь элбэг. Тан хийлгэхгүйгээр биеэ наранд шарвал илүү тохиромжтой. Энэ төрлийн тонтой хүмүүст мөнгөн эдлэл үнэхээр сайхан зохидог.
Хэрвээ дулаан өнгөтэй бол…
Энэ төрлийн хүмүүст шар, тоорын шаргал, алтлаг өнгө гайхалтай зохицдог. Байгалийн гэрэлд ногоон өнгийн судастай харагддаг тул алтлаг үнэт эдлэл үргэлж зүүж байгаарай! Сайхан харагдах болно.
Хэрвээ зөөлөн өнгөтэй бол…
Зөөлөн/завсрын тонтой хүмүүст чидун жимсний болон түүнээс дээш өнгийг хослуулсан өнгө сайхан зохидог. Хүйтэн болон дулаан өнгөний завсар дунд орших эдгээр хүмүүс биеэ наранд шарж, тан хийлгэсэн ч болдог. Алтлаг/мөнгөн эдлэлийн аль нь ч гоё, тансаг харагдуулдаг.
Зөв гэрэл сүүдэр сонгох нь яагаад чухал вэ?
FOUNDATION-г дангаар нь түрхэх нь таны царайг дүнсгэр харагдуулдаг. Гэрэл сүүдэр нь арьсанд уусдаг учраас тохирсон өнгө мөн эсэхийг тодорхойлоход бага зэргийн хүндрэлтэй. Суурь өнгөтэйгөө хослуулан FOUNDATION, гэрэл сүүдрээ сонгож болно. Хэрвээ таны төрөлх өнгөтэй тохироогүй бол FOUNDATION илүү тодорч харагдана. Эсрэгээрээ хүйтэн өнгийн тонтой хүн FOUNDATION-оо буруу сонговол сүнс шиг цайрч харагдана гэсэн үг. Тийм болохоор л бидэнд гэрэл сүүдэр тусалдаг.
L’Oréal-н FOUNDATIONS-аас сонголтоо хийх нь:
Төрөлх арьсны өнгөө амжилттай тодорхойлсон бол өөрт тохирох FOUNDATION-аа сонгох илүү хялбар байх болно.
Төгс хослол/Alliance Perfect Foundations
Alliance Perfect Foundation болон Alliance Perfect Serum Foundation нар нь 40 гаруй төрлийн гэрэл сүүдэр, бүх төрлийн арьсны өнгөнд тохирдог.
Арьсны төрөлх өнгийг тодорхойлсон тэмдэглэгээ нь хэрэглэхэд хялбар байдлыг бүсгүй танд олгоно. /“C”-хүйтэн, W-дулаан, N-зөөлөн/завсрын гэх хялбар тэмдэглэгээтэй. Орчин үеийн дэвшилтэт технологийн аргаар Alliance Perfect Serum хэмээх ид шидтэй бүтээгдэхүүнийг гаргасан. Нүүр будалтын ертөнцөд шинэхэн тоглогчийн тоонд ороод буй 1%-ийн гиалуроны хүчил агуулсан, серум foundation-ыг хослуулсан уг бүтээгдэхүүн нь 9 төрлийн гэрэл сүүдрийн тэнцвэржүүлэгчэй, ямар ч төрлийн арьсны өнгөнд тохирно. Будаагүй мэт төрөлх өнгийг тодруулахдаа чадварлаг бүтээгдэхүүн юм.
Гэрэл сүүдрийн өнгийг хэрхэн сонгох вэ?
- Дулаан өнгийн гэрэл сүүдэр: шаргал, алтлаг, бор, карамель, хүрэн
- Хүйтэн өнгийн гэрэл сүүдэр: шаазан цагаан, сарнай, хүрэн бор, какао
- Зөөлөн/завсрын өнгийн гэрэл сүүдэр: ясан цагаан, шаргал, бор, шоколадан бор
Алхам 3: Нүүр будаагүй байхдаа тестлэх
Будагтай нүүрэндээ FOUNDATION-г түрхэж үзэх нь сохроор бүтээгдэхүүн сонгохтой адил. Тиймээс заавал нүүрний будгаа арилгаж, төрөлх арьсны өнгөндөө тохируулан будаарай!
Алхам 4: Сонголттой байх
Төрөлх арьсны өнгөнд тохирох FOUNDATION сонгохдоо олон төрлийн сонголттой байгаарай. Яг тохирно гэсэн 3 төрлийн FOUNDATION сонгож, хацарнаасаа эхлээд шанаандаа хүртэл параллель чиглэлээр түрхэнэ. Хүзүүгээ бага зэрэг сунгаад түрхсэн ч болно. Энэ үед арьсны төрөлх өнгөнд хэрхэн уусаж байгааг сайтар ажиглаарай.
Алхам 5: Байгалийн гэрэл
Өөрт тохирох FOUNDATION-г олоход байгалийн гэрэл онцгой нөлөө үзүүлдэг. Гэрлийн ойлтод FOUNDATION-ын гэрэл сүүдэр олон өнгөөр ялгарч харагддаг. Хамгийн оновчтой сонголт бол байгалийн гэрэлд FOUNDATION-аа шалгах юм.
Алхам 6: Улирал бүр шинэчил!
Цаг агаар өөрчлөгдөхийн хэрээр таны арьсны өнгө ч өөрчлөгддөг. Зуны улиралд шаргал өнгийн тан биеийн арьсанд гоё зохидог бол өвлийн улиралд зохицохгүй байх жишээтэй.