Итали гаралтай шаргал үст Chiara Ferragni 10 гаруй жилийн турш цахим сүлжээнд идэвхтэй байж, хүчтэй нөлөөлөгчдийн нэг болж чадсан. Тэрээр 29 сая дагагчтай бөгөөд инстаграм сурталчилгаагаар жилдээ 8 сая долларын орлого олдог.
“Би хүн бүрийн өмсөж болохуйц миний ээж, дүүд таалагдах хувцас эдлэл хийхийг хүсдэг.” Хэмээн Chiara Ferragni брэндийнхээ талаар ярьсан юм. Итали эгч дүүсийн нэгдэл яг л Kardashian-н гэр бүлийг санагдуулдаг. Түүнээс Kardashian-н гэр бүлээс үлгэр дуурайлал авдаг уу гэж асуухад “Ирээдүйд” гэж хариулсан.
Түүнчлэн 2019 онд өөрийн амьдралын түүхийг өгүүлсэн, интернэтийн хөгжил хувцас загварын дүрмийг маш ихээр өөрчилж байгааг харуулсан баримтат кино хүртэл гаргаж байв. Баримтат киноныхоо талаар “Миний амьдрал олны өмнө ил байдаг. Гэхдээ дотоод хүн, мөн чанарыг уг баримтат киногоор дамжуулан харуулсан. Өөрийгөө эерэг өнцгөөс илэрхийлэх боломжийг олгосон гэж боддог. Магадгүй энэ бүхэн өөрийгөө шүтэх үнэмлэмжээр дууссан байх л даа.”
Хоёр ч хүүхдийн ээж болж, гэр бүлдээ илүү цагийг зориулах болсон Chiara Ferragni-н хувцас загварын сэргэлт хэзээ эхлэх бол…
2009 онд өөрийн Blonde Salad вэбсайтаа нээснээс хойш загварын ертөнцийн хамгийн нөлөө бүхий фэйшн влоггер болсон юм. Харин 2020 онд Chiara Ferragni Eyelike цүнхний цуглуулгаа худалдаанд гаргаж, неон, тод өнгөөр зонхилох нүдний хэлбэртэй тэмдгийг загварын ертөнцөд алдаршуулсан.
Цүнхний хувьд жижиг, дунд гэсэн хоёр төрлийн хэмжээтэй, эко-савхиар хийгдсэн аж. Цайвар цэнхэр, ягаан, саатай, гялтганасан, классик хар, улаан, цагаан гэх мэт 6 өнгөний сонголттой.
Мөн өдөр тутмын хувцаслалтандаа тохируулан өмсөх боломжтой гинжэн, савхин хоёр төрлийн цүнхний оосортой. EYELIKE цуглуулгын деталь хэсэг бүр таныг дэгжин, трэнди харагдуулахад туслах уламжлалт бус загвар юм.
