PANDORA БРЭНД ЭЭЖҮҮДИЙН ЕРТӨНЦӨӨР АЯЛСАН НЬ
Pandora брэндийн зүгээс удахгүй болох ээжүүдийн баярт зориулж супер-модель Helena Christensen, стилист, инфлюенсер Pernille Teisbaek, дуучин Iris Gold нартай эхийн хайрын талаар ярилцсан тэдний гайхалтай түүхээс хуваалцлаа. Үүнээс гадна өнөөгийн нийгэмд ээж байх талаарх 9000 орчим эмэгтэйчүүдийн дунд явуулсан сонирхолтой судалгааны үр дүнг хүргэж байна.[/tw_heading]
Хайр бол ээж байхын утга учир
3 олны танил бүсгүйчүүд маань өөрсдийн ээж болсон туршлагаасаа хуваалцсан бөгөөд Helena-гийн хувьд аль хэдийн насанд хүрсэн том хүүхэдтэй бол Pernille 2 бага насны хүүхэдтэй, 3-дахь хүүхдээ гэдсэндээ тээж байгаа. Харин Iris 1 жилийн өмнө бяцхан хүүгээ өлгийдөн авчээ. Helena хэлэхдээ хүүхэдтэй болно гэдэг нь насан туршдаа хоосон лонхыг цэвэр ариун хайр, хүч чадал, итгэл найдвар, өөртөө итгэх итгэлээр дүүргэж байгаа мэт санагддаг хэмээн тодорхойлжээ.
Судалгаанаас үзэхэд ээжүүдийн 38% нь хүүхдээ гэсэн хайр нь тэднийг илүү хүчирхэг болгодог гэж хариулжээ. Мөн ээж байх нь тэдэнд ямар мэдрэмж өгдөг вэ гэсэн асуултад 38% аз жаргал, 34% бахархал, 30% хайрлуулсан мэдрэмж авдаг хэмээн хариулсан байна.
Эх хүн болсноор илүү хүлээцтэй, тайван болдог
Өөрийгөө хайрлах болон аливаа зүйлд хүлээцтэй хандах нь эх хүний төрөлх шинж чанар юм. Нийт ээжүүдийн 63% нь энэ хорвоо дээр төгс ээж байхгүй хэмээн хүлээн зөвшөөрсөн бол , 45% нь бусад хүмүүсийн сөрөг шүүмжлэлийг өөртөө тусгаж хүлээж авахаа больсон гэжээ.
Тухайлбал, дуучин Iris Gold ээж болсноор бусад хүмүүсийн юу гэж бодож байгааг огт тоохоо больсон ба хүүхэдтэй болохоосоо өмнө түүнд ийм их өөртөө итгэх итгэл байсан ч болоосой гэж боддог талаараа хуваалцсан юм. Харин Pernille түүний хэлснийг дэмжиж “хүүхэдтэй болно гэдэг амаргүй даваа. Би өдөр болгон л суралцаж, аль болох бүхнийг тэнцвэртэй авч явахыг хичээдэг” гэв.
Орчин үед ээж байх нь
Судалгаанд оролцогсдын 72% нь орчин үеийн ээжүүд өмнөх үеийнхээсээ илүү нээлттэй, хайр халамжаа илэрхийлдэг болсныг онцолжээ. Нээлттэй, чөлөөт нийгэмд өсөж торнисон ээжүүд нь хүүхдүүддээ хайр халамжаа ил харуулах, хүүхдээ байгаагаар нь хүлээн зөвшөөрч хайрлах (58%) , хүүхдийнхээ карьерын (49%) болон амьдралын ханиа сонгох (51%) сонголтыг нь хүндэлж, хүлээн зөвшөөрөх хандлагатай болсон байна.
