Цар тахлын улмаас сүүлийн 2 жил цуцлагдаад байсан Австралийн загварын 7 хоног өнгөрсөн 1-дэхээс эхлэн үргэлжилсээр байна. Уг загварын 7 хоногт загвар зохион бүтээгчид 2022 оны зуны резорт коллекцио танилцуулж байгаа. Харин хүрэлцэн ирсэн зочдын хувьд Парис, Милан, Нью Йорк, Лондон зэрэг томоохон загварын 7 хоногуудтай харьцуулахад илүү энгийн, минимал дүр төрхийг бүрдүүлсэн харагдаж байна. Хар, цагаан, бэйж, бор, саарал зэрэг завсрын өнгүүд голлосон бөгөөд сонин содон, өвөрмөц гэхээс илүүтэй өдөр тутамд өмсөхөд тохиромжтой загварлаг хувцаслалтаар жигдэрчээ. Ингээд Сиднейн загварын 7 хоногт ирсэн зочдын гудамжны стиль, дэгжин дүр төрхөөс сонирхоно уу.