Пандора брэнд нь зуны өнгө төрхийг харуулсан газар дэлхий, далай тэнгис, үүлтэй тэнгэрийг дүрсэлсэн, хөх цэнхэр өнгөнүүдийг хослуулсан шинэ коллекцио танилцуулж байна. Уг коллекци нь тайвшруулах увдистай хөх цэнхэр өнгөний уусал, далайн давлагаа, өөрийн гэсэн өвөрмөц эко систем бүхий гайхамшигт байгалийн зохицлыг дүрсэлсэн гоёмсог чармуудаас бүрдсэн юм.

Далай тэнгис бол мянга мянган гайхалтай ховор амьтдыг тэтгэгч, байгалийн дахин давтагдашгүй баялаг билээ. Тиймээс ч бид далай тэнгист сэлж, амарч, зугаацахаас гадна хайрлаж хамгаалах хэрэгтэйг Пандора брэнд шинэ коллекциороо сануулж байна.

Түүнчлэн Пандора брэнд нь байгальд ээлтэй байхыг зорилго болгон ажилладаг учир далайгаас байгалийн сувдыг түүх бус өөрсдөө цэнгэг усанд зориулалтын орчинд нь сувдаа тарьж ургуулдгаараа онцлогтой. Хясааг ийнхүү байгальд нь ургуулснаар өөр өөрийн онцлог хэлбэртэй яг л байгалаас түүсэн мэт дахин давтагдашгүй сувдыг гаргаж авдаг байна.

Зун гэхээр л эрх чөлөө, адал явдал, зугаатай аяллууд санаанд ордог биз дээ… Аялал бидэнд үргэлж шинэ адал явдал, эрэл хайгуул хийх боломжийг гаргаж өгдөг төдийгүй шинэ газар үзэж, шинэ хүмүүстэй танилцаж, нүд нээх боломжийг олгодог билээ.

Тийм ч учраас Пандора зуны шинэ коллекцидоо аяллын билэгдэл болгож онгоц, дэлхийн бөмбөрцөг, аяллын чемодан зэрэг сонирхолтой хэлбэр дүрс бүхий чармуудыг онцолж байна. Харин гялалзсан агаарын бөмбөлөгтэй чарм нь ертөнцийг өөр шинэ өнцгөөс харах гэсэн гүн гүнзгий утга санааг агуулж байгаа юм.

Зугаатай зуны улирлыг баяр баясал, эрх чөлөө, дэврүүн мөрөөдлөөр дүүрэн Пандоратай хамт өнгөрүүлцгээе.