(Копенхагены загварын 7 хоногоос)
Скандинавын орнуудын загварын нийслэл гэгддэг Копенхагены загварын 7 хоног болж өнгөрлөө. Жил бүр хамгийн түрүүнд шинэ коллекциудаа танилцуулж, ирэх жилийн өнгө төрхийг тодорхойлдог уг загварын 7 хоног нь байгальд ээлтэй загварууд, Сканди стильтэй дэгжин зочдоороо онцлогтой. Минимал-шик байдлаараа дэлхийд танигдсан Сканди стиль нь сүүлийн жилүүдэд илүү өнгөлөг, орчин үеийн, өвөрмөц загвартай болж өөрчлөгдөөд байгаа. Ингээд Копенхагены загварын 7 хоногийн онцлох 8 трендийг танилцуулъя.
50 shades of white
Хэзээд сонгодог, минимал, бас тансаг байж чаддаг цагаан өнгө Копенхагены 2023 оны хавар/зуны загварын шоунуудад ноёрхож байлаа.
Peek-a-Boo!
Бие ил гарсан, гэрэлтдэг нимгэн материалтай, нэхмэл загварууд тренд болсоор л. Уг загваруудтай хослуулах хамгийн чухал аксессуар нь таны өөртөө итгэх итгэл юм шүү.
Сорочкан цамц
Сорочкан цамц бол Сканди стилийн үндсэн загваруудын нэг билээ.
Богино топ
Богино байх тусмаа илүү загварлаг харагдах топууд ирэх хаврын халуухан тренд болж байна.
Denim on denim
Хэрэв юу өмсөхөө шийдэж чадахгүй байвал зүгээр л жийнс+жийнс хослуулаарай. Хэзээ ч трендээс гарахгүй, үргэлж загварлаг харагдах сонголт.
Сарнайн ягаан өнгө
Копенхагенд Барби ягаан өнгөний арай зөөлөн хэлбэр болох пастель ягаан өнгө тренд болж байна.
Торон загварууд
Cүүлийн жилүүдэд бие ил гарсан загварууд тренд болж байгаа. Үүний тод нэгэн жишээ бол эмэгтэйлэг, романтик, торон материалтай загварууд юм.
Цулгай тод өнгө
2023 оны хавар принт гэхээс илүү цулгай, тод өнгөтэй загварууд зонхилох нь.
