7 Days Out (2018)
“Chanel” загварын ордны доторх ертөнцийг тольдохыг хүсвэл Netflix-ийн “7 Days Out” баримтат киног үзээрэй. Домогт загвар зохион бүтээгч Карл Лагерфельд уг кинонд гардаг нь бүр ч сэтгэл хөдөлгөм. Кинонд загварын ордны Парисын “Grand Palais”-д хийх гэж буй 2018 оны Хавар-Зуны кутюр шоуны өмнөх 7 хоногийн үйл явцыг харуулдаг.[/tw_heading][tw_images_carousel
Catwalk (1995)
Уг баримтат кинонд супермодель Кристи Тарлингтоны Versace брэндийн 1994 оны Хавар-Зуны Милан дахь шоу, Парис дахь Chanel-ийн шоунд оролцож буй аяллыг харуулдаг. Түүнчлэн дэлхийн алдартай супермоделиуд болох Хелена Кристенсен, Кейт Мосс нарын карьерын эхэн үе болон Жон Гальяно, Жанни Версаче зэрэг агуу загвар зохион бүтээгчдийн ажиллаж буй ховорхон бичлэгийг багтаажээ.
Westwood: Punk. Icon. Activist. (2018)
Вивьен Вествуд бол зөвхөн Англи ч гэлтгүй дэлхийн загварын ертөнцөд томоохон нөлөө үзүүлсэн домогт загвар зохион бүтээгч, активист, Панк загварын хатан хаан юм. Түүний тухай баримтат киног 2018 онд гаргасан ба карьерынх нь сүүлийн жилүүдийг ийнхүү дэлгэцэд буулгажээ.
McQueen (2018)
Хамгийн бүтээлч, авьяаслаг, авангард загвар зохион бүтээгч Александр Маккуины карьерын түүх болон түүний гайхамшигтай оюун ухаан, уран сэтгэмжээр уг баримтат кино аялуулах болно. Түүний ахин давтагдашгүй, өвөрмөц загварын шоунууд болон хэрхэн Парист алдаршсан тухай кинонд өгүүлнэ.
The Boy Who Made Shoes For Lizards (2017)
Рианна, Наоми Кэмпбелл, Жон Гальяно, Карли Клосс зэрэг дэлхийн алдартнуудын хамгийн дуртай гутлын брэнд болох “Manolo Blahnik”-ын үүсгэн байгуулагч Испанийн загвар зохион бүтээгч Мануэль Родригес Бланикын талаар кинонд өгүүлэх болно. Хэрвээ та Manolo Blahnik-ын фен бол эсвэл хэзээ нэгэн өдөр Manolo Blahnik-аар гоёхын хүсдэг бол уг киног заавал үзээрэй.
Dries (2017)
20 гаруй жил Парисын загварын 7 хоногийг эзэгнэж буй Бельгийн алдартай загвар зохион бүтээгч Дрис Ван Нотены талаар уг кинонд гарах болно. Бүтэн жилийн турш кино зураг авалтыг хийсэн ба түүний ажил, загварын студи болон хувийн амьдралын талаар кинонд өгүүлжээ.
Dior And I (2014)
Кутюр загварын ертөнцийг зах зухаас нь мэдэрье гэвэл “Dior and I” баримтат киног үзээрэй. Уг кинонд Раф Симонсын Dior-ын загварын ордон дахь анхны коллекцио бүтээж буй үйл явц нь гардаг. Баялаг түүхтэй, дэлхийн хэмжээний загварын ордны бүтээлч захирлаар томилогдоход тулгарч буй сорилууд болон 8 долоо хоногийн дотор Dior-ын шинэхэн коллекцийг бүтээж буй өндөр хариуцлагатай, сонирхолтой түүхийг эндээс үзээрэй.
Valentino: The Last Emperor (2008)
Дэлхийн хамгийн алдартай загвар зохион бүтээгчдийн нэг болох Валентино Гаравани 2007 онд буюу загварын ордноо анх үүсгэн байгуулснаас хойш 50-аад жилийн дараа тэтгэвэртээ гарсан билээ. Уг баримтат кинонд түүний ажил карьер, хувийн амьдрал болон хамгийн сүүлийн загварын шоундаа бэлдэж байгаа нь гардаг. Түүнчлэн Гараванигийн амьдралын болон бизнес хамтрагч Жианкарло Жиамметти, тэдний харилцааны талаар мөн эндээс үзэж болно.
Jeremy Scott: The People’s Designer (2015)
Загвар зохион бүтээгч Жереми Скоттыг хэрхэн Миссуригийн жижиг тосгоноос Италийн алдарт Moschino брэндийн бүтээлч захирал болсон үнсгэлжингийн түүхийг уг баримтат киноноос үзээрэй. Уг кинонд Miley Cyrus, Rita Ora, Katy Perry болон Хилтоны эгч дүүс гэх мэт дэлхийн алдартнууд гардаг.
