Цас хайлж, гадаа дулаарч давхарласан олон хувцаснаасаа салах цаг ирлээ. Хахир өвлийн турш хар бараан, нэгэн хэвийн хувцаслалтаасаа уйдсан биз дээ. Тэгвэл энэ хавар таны хувцасны шүүгээнд өнгө нэмэх, ажил хэрэгч хирнээ загварлаг хувцаслалтын шинэлэг санаануудыг хүргэж байна.
1. Эмэгтэй+Эрэгтэй хувцас
Энэ хавар эрэгтэй болон эмэгтэй хувцаснуудыг мэдрэмжтэйгээр хольж өмсөх нь тренд болоод байна. Тухайлбал, сорочкон цамцан дээрээ эрэгтэй ноосон жилет давхарлаж, харин доогуураа өвдөг давсан урт юбка өмссөнөөр нэгэн сонирхолтой дүр төрхийг гаргаж болох юм.
2. Хавар ирлээ!
Хаврын улирлыг цэцгэн хээнээс илүү чимэх юу байх билээ. Өнгөлөг цэцгэн хээтэй даашинз сонгоод гадуур нь харин цулгуй өнгийн пальто эсвэл цув өмсч болно. Үүнийгээ сонгодог загварын цүнхтэй хослуулбал гайхалтай харагдана.
3. Цайвар өнгөний хослол
Өвлийн улиралд бид тэр бүр цагаан өнгө сонгож өмсөөд байдаггүй шүү дээ. Тэгвэл дулааны улирал ирж буйд зориулан өөрт байгаа цайвар хувцаснуудаа (цагаан, ванилла, крем,сувдан цагаан, цайвар шаргал) хослуулаад өмсөөд үзээрэй. Цагаан өнгөний хослол маш гоёмсог элегант харагддаг шүү.
4. Өнгөлөг хослолууд
Ажил хэрэгч хувцаслалтын хамгийн эхний сонголт бол биед таарсан хослол байдаг. Тэгвэл энэ хавар нэгэн хэвийн саарал, хар бараан хослолоос татгалзаж тод өнгийн хослол өмсөөд үзээрэй.
5. Хэзээд хар өнгөндөө үнэнч
Хэрвээ та классик хар өнгөнд дуртай нэгэн бол хар хувцасныхаа гадуур цайвар өнгийн пальто сонгоорой. Нэг өнгөөр буюу монохромоор бүрдүүлсэн дүр төрхийг тань сонгодог хирнээ илүү дэгжин харагдуулах болно.
6. Ретро загварыг өнгөний блоктой холих
Хуучны 70-аад оныг санагдуулам ретро хэв маягийн хувцаслалтыг тод өнгөөр хооронд нь зохицуулан Бохо-Шик дүр төрхийг бүрдүүлж болох юм. Ажил хэрэгч хирнээ тун загварлаг харагдана.
