2021 онд ямар ямар брэндүүд хамгийн их трэнд болж хүмүүсийн анхаарлыг татаж байгааг сонирхож байна уу? Тэгвэл нийт 12,000 брэндийг нэгтгэсэн Lyst онлайн дэлгүүр нь өөрсдийн худалдан авалтын мэдээллээ хуримтлуулж, Google-ийн хайлтын мэдээ болон сошиал медиагийн хамгийн их мэншион хийгдсэн брэндийн мэдээллүүдтэй нэгтгэн, анализ хийж энэ онд хамгийн их эрэлттэй байгаа брэндүүдийн жагсаалтыг гаргажээ. Хамгийн их трэнд болж буй брэндээр Gucci тодорсон бол удаагаар нь Nike, Dior, Louis Vuitton зэрэг брэндүүд орсон байна.
1. Gucci
Дуучин Harry Styles нүүр царай нь болдог учраас ч тэр үү, эсвэл сүүлийн The North Face-тэй хамтарсан коллекци нь гайхалтай амжилтыг үзүүлснээс болсон уу, ямар ч байсан Gucci энэ оны хамгийн тренд болж буй брэндийн 1-т оржээ.
2. Nike
Энэ жагсаалтад зөвхөн тансаг зэрэглэлийн брэндүүд ороогүй юм шүү. Nike бол яах аргагүй шинэлэг загварын пүүзнүүдээрээ танигдсан бидний өдөр тутмын хэрэглээ болсон брэнд билээ.
3. Dior
Blackpink хамтлагийн Жи Сүүг брэндийнхээ нүүр царай болгосон нь тэдний хувьд маш зөв шийдвэр болж олон залуу хэрэглэгчдийг шинээр татжээ. Түүнчлэн Snapchat-ын Dior-ын пүүзийг өмсөж үздэг филтер нь хүмүүст их таалагдаж байгаа.
4. Balenciaga
Бүтээлч, загварлаг, орчин үеийн өвөрмөц хэв маягаараа ялгардаг Balenciaga брэнд уг жагсаалтын 4-т оржээ.
5. Moncler
Тансаг зэрэглэлийн Moncler брэнд нь дахин боловсруулсан материалаар “Born To Protect” хүрэмнүүдээ хийж эхлэн илүү байгальд ээлтэй болж байгаа нь хэрэглэгчдийг бүр ч их татаж байна.
6. Prada
Раф Симонс , Миучча Прада нар залуучуудад зориулсан загварлаг коллекциудаа гаргасаар байна. Prada-гийн алдарт логотой коршокон малгай, жижиг мөрний цүнх нь одоо ч хүмүүсийн хүсэмжит “It” загварууд болсон хэвээр байна.
7. Louis Vuitton
Louis Vuitton брэнд энэ оны эхээр Японы мэргэжлийн теннисчин Наоми Осакаг брэндийнхээ нүүр царай болгосон билээ. Түүнчлэн Николя Жескьерийн зохион бүтээсэн Coussin загварын цүнхээр Инстаграмын одууд нэлээд гоёж байгаа харагдсан.
8. Bottega Veneta
Сүүлийн үед Инстаграм моделиуд, алдартнууд, инфлюнсеруудын дунд хамгийн эрэлттэй байгаа брэндүүдийн нэг бол яах аргагүй Bottega Veneta юм.
9. Saint Laurent
Катрин Денёв, Кейт Мосс нар YSL брэндийн 2021 оны хавар зуны шинэ коллекцийн зураг авалтад гайхалтай харагдаж байсан.10. Off-White
Сүүлийн үед нэлээдгүй алдаршаад байгаа брэндүүдийн нэгт Off-White яах аргагүй орно. Тэдний нийгэмд хүргэдэг дуу хоолой, өвөрмөц гоёмсог загварууд болон бусад брэндүүдтэй хамтарсан бүтээлүүд нь тэднийг алдарт хүргээд байгаа билээ.
