“Color-blocking” буюу тод өнгөнүүдийг хооронд нь хослуулж өмсөх тренд нь 2011 онд загварын чиг хандлагыг тодорхойлж, Jil Sander, Prada, Prabal Gurung, Thakoon, Gucci зэрэг томоохон брэндүүдийн хавар зуны коллекциудыг гоёмсог хурц өнгөнүүд чимж байсан билээ. Түүнчлэн тухайн үед загварын инфлюнсерүүд, блоггерууд дөнгөж олны анхаарлыг татаж эхэлж байсан бөгөөд тэдний хамгийн дуртай сонголт өнгөний блок байсан юм. Харин 10 жилийн дараа уг тренд эргэн ирж 2021 оны онцлох загваруудын нэг болоод байна. Тод шар, улбар шар, улаан, хүрэн, ягаан, ногоон, цэнхэр гэх мэт өнгөнүүдийг хослуулсан дэгжин загваруудыг 2021 оны хавар зуны коллекциудаас харж болох нь. Өнгөний блокын нэг онцлог нь зөвхөн цулгай тод өнгөнүүдийг ашигладаг ба ийм дүр төрх бүрдүүлэхэд янз бүрийн хээ, принтүүд орууладаггүй.
Raf Simons spring 2021
Jil Sander spring 2011
Outside Paris Fashion Week in 2011
Elisa Nalin, photographed by Phil Oh in 2012
